Таблетите до 2016. година ќе станат најкористена категорија на компјутери, покажуваат резултатите на анализата на пазарот на компјутери на истражувачката компанија Forrester Research.
Оваа компанија предвидува дека во 2016. на светскиот пазар ќе бидат продадени 375 милиони таблет компјутери (во 2011. се продадоа 56 милиони).
Тоа е скоро двојно повеќе од предвидувањата на истражувачката компанија IDC која смета дека во 2016. ќе бидат продадени околу 200 милиони таблет компјутери.
Аналитичарите на компанијата Forrester Research сметаат дека во наредните години таблетите ќе бидат широко прифатени во сите околности, дури и во компаниите каде ќе се користат за заедничка работа и размена на податоци.