Лесните и брзи торти нема да ви одземат многу време, но затоа пак на вашите домашни ќе им причинете големо задоволство. Уживајте во текот на викендот во опуштена домашна атмосфера и вкусните колачи.
ПОТРЕБНИ СОСТОЈКИ:
ЗА КОРАТА:
7 белки,
200 грама шеќер,
100 грама пржени
и мелени лешници,
лажица брашно.
ЗА ФИЛ:
0,5л. Млеко,
една и пол кесичка пудинг од ванила,
3 л. брашно,
100 гр. Шеќер,
10 жолчки,
250 гр. Путер,
300гр, чоколадо со мелени лешници,
300 гр. мешавина од брусница, ф`стаци, лешник и суво грозје.
ЗА ПРЕЛИВ:
100гр. Чоколадо,
2 лажици млеко,
лажица шеќер.
ПОДГОТОВКА:
За кората; изматете ги белките и шеќерот и во тоа измешајте ги лешниците и брашното. Сипете го тоа во намрсена тава и печете.
За филот; зовријте го млекото со шеќерот, па во него полека сипајте го размешаниот прав за пудинг, брашното и жолчките. Кога кремот ќе се згусне се остава да се олади. Потоа во него се меша путерот и се додаваат чоколадото и лешниците. Кората се премачкува со фил, се посипува со мешавината од сувото овошје и се завиткува во ролат.
Кога ќе се излади , се прелива со глазура.