Видео остварувањето за песната “Zagrljaj” од Цеца ќе чини 15.000 евра

Светлана Цеца Ражњатовиќ наскоро снима спот за синглот „Zagrljaj“, а тоа задоволство ќе чини 15.000 евра!

Пејачката сака ова видео – остварување да ги импресионира сите нејзни обожаватели, поради што го ангажирала и Дејан Миличевиќ.

-Цеца е посветена на работата и навистина не жали ниту денар кога станува збор за кариерата. Од неа се очекува да биде најдобра и таа тоа во секоја смисла го почитува. Овој спот сигурно ќе биде еден од најдобрите во нејзината кариера, вели близок извор.

Сценариото на спотот ќе наликува на добар акционен филм. Цеца ќе учествува во бркотница со автомобили, поради што некои улици во Белград ќе бидат затворени за сообраќајот. Нема сомнеж дека фолк ѕвездата во таа улога совршено ќе се снајде.

Она што е сигурно е тоа дека сите ќе се изненадат од приказната и добрата филмска адаптација.