Еден професор од југозападниот дел на Кина, за побрзо да стигне на работа, секој ден го препливува езерото.
Ли Лиангаминг е професор по физика во едно училиште во кинескиот град Чонгкинг. За да стигне на работа трча еден клометар од својата куќа до езерото Ханфенг. Тогаш сета своја облека ја пакува во водоотпорна торба, се загрева десетина минути, а потоа скока во езерото и плива околу 3 километри до другата страна на брегот каде се наоѓа училиштето во кое работи.
Неговиот потфат секојдневно го следат љубопитните граѓани. “Го гледам секој ден како плива. На сите нас ни е многу ладно, носиме по неколку слоеви облека, но се чини дека нему ладното не му пречи”, вели еден од набљудувачите.
Ли секој ден плива по 40 минути во една и исто толку во друга насока. Вели дека благодарение на тоа ги излечил респираторните проблеми, а стекнал и популарност меѓу своите студенти кои велат дека му се восхитуваат на неговата храброст духот.