Домашен пилинг од кафеав шеќер и банана

Секоја жена треба да посвети внимание за да има здрава и мека кожа на телото. Наместо да купувате специјана козметика можете да ја направите сами во домашни услови и да ве чини доста поефтино. Денес ќе ви понудиме одлична рецепта за приготвување пилинг за тело од кафеав шеќер и банана.

Потребни намирници:

1 банана,

3 супени лажици кафеав шеќер,

¼ чаена лажичка чист екстракт од ванила или друго етерично масло по желба,

Начин на подготовка:

Исипете ги сите компоненти во длабок стаклен сад и испасирајте со вилушка. Не претерувајте со мешање бидејќи пилингот не треба да биде многу течен.

Пред бањање земете малку од готовиот пилинг и нежно масирајте делови од телото во правец на крвотокот. На овој начин се стимулира циркулацијата и нормалниот проток на лимфата за да се спречи задршка на течности во ткивото што резултира во целулит. Процедурата треба да се прави еднаш седмично.