Пејачот Елтон Џон и неговиот сопруг Дејвид Фурниш станаа родители на уште едно момче кое го родила истата сурогат мајка.
Елтон (65) и Дејвид (50) во 2010 година станаа родители на малиот Закари, кој го роди сурогат-мајка од Калифорнија, а сега таа им подари уште еден син.
Портпаролот на славниот музичар кратко соопшти “дека никогаш не зборува за приватниот живот на Елтон”, но затоа тука секогаш се пријателите кои велат дека парот е пресреќен што доби уште еден син за кој уште минатата година ја уредиле собата.
Кума на малиот Закари е Лејди Гага, една од најголемите борци за правата на геј популацијата во светот, па можно е таа да биде кума и на вториот син на Елтон и Дејвид.