Дали ги сакате сказните? Ќе ви раскажеме една убава приказна, макар што во неа нема принцези, и всушност си е сосема вистинска.
Млада жена и истовремено многу талентиран фотограф, барала инспирација за роденденот на својата мала ќеркичка.
Решила – што и не не изненади – да и подари фотосесија на 5 годишната Ема. Забележала дека ваквите роденденски фотографии најчесто ги представуваат малите девојчиња како принцези: излезени како од филмовите на Дизни, со раскошни фустани и совршени локни.
И се запрашала дали така сака да ја види својата ќерка. И што сака да ја научи? Се сетила дека светот што сака да и го остави, не е светот од приказните. Верувала дека светот може да биде подобро место за неа, зошто имало жени кои помогнале тој да се смени на подобро. Жени благодарение на кои Ема денес може да гласа, да си избере професија, да биде пилот, дури и астронаут, да пишува стихови, кои ќе и се допаѓаат…Да биде себе си.
Тие вистински жени Џејми Мур и ги представила на својата ќерка. И и посакала да биде како нив.
Среќен крај нели? А вие какви приказни им раскажувате на вашите деца?
