Не пијте повеќе од пет шољи кафе

Група австралиски научници докажале со новото истражување дека повеќе од пет шољи кафе дневно можат да доведат до зголемување на телсната тежина и да ја зголемат опасноста од појава на метаболен синдром.

Иако е тешко да се ограничите од конзумацијата на омилениот црн пијалок, би требало да внимавате колку пати дневно уживате во тоа.

Експертите во текот на истражувањето забележале дека одредена количина киселина која се наоѓа во 5-6 шољи кафе доведува до задржување на мастите во организмот.

Експертите потенцираат дека опасноста по здравјето зависи од количината на кафе, напомнувајќи дека умерената конзумација (3-4 шољи кафе дневно) би можела да ја намали опасноста од развој на кардиоваскуларни болести и диабет тип 2.