Се раѓа нова економска Југославија без Хрватска и Словенија, но со Албанија!

Заедничките седници на владите од земјите на бивша Југославија се се почести, а се вели дека е возможно создавање на западен Балкан со оглед на тоа дека ЕУ не планира проширување до 2020 година. Србија неодамна организираше регионален форум, а наскоро се очекува и седница со македонската влада потикната од економски интерес за двете страни.

Така Ивица Дачиќ премиерот на Србија после заедничкаата седница на владата на Србија и Македонија претстави иницијатива за обединување на регионот околу заедничките интереси по моделот на Скандинавија или балтичките земји.

Крајната цел е оваа интеграција да заживее во економски план, да се создадат работни места и на крај овие земји да станат дел од ЕУ. Тоа е и целта на ЕУ и поради тоа овие состанаци се одржуваат се почесто. Исто така тука постојат низа заеднички проблеми кои би можеле заедно да се решаваат, а тука е и борбата против корупцијата и криминалот.

Речиси е сигурно дека земјите од бивша Југославија, минус Словенија и плус Албанија ќе се најдат во таа балканска федерација. Што ќе се случи со Хрватска тоа самите тие ќе одлучат, но веруваме дека нивните економски интереси сепак ќе ги вратат назад во рамките на бивша Југославија, тврдат аналитичарите.