Како затвореници кои целиот живот го поминале позади решетки, група шимпанзи за прв пат по 35 години го видоа и осетија сонцето. Тие со насмевка излегоа и го поздравија светот. За прв пат по 35 години ја осетија тревата под нив и вдишаа свеж воздух.
Иако некои од нив биле родени во лабораториите каде што беа затворени, голем број од нив биле киднапирани од афричките џунгли како бебиња и со авион пренесени во Европа. Таму тие беа затворени во метални рабораториски кафези и беа користени за разни експерименти.
Целта на компанијата која експериментирала на нив била да се пронајде вакцина против сидата. Затоа што шимпанзите имаат 99% идентична ДНК со таа на човекот, тие беа првиот избор за истражувањата. Но, тоа значело дека ќе поминат низ ужасни суровости низ годините, вклучувајќи инфектирањето со ХИВ.
Врзани за машини и напумпани со хемикалии, тие беа вистински затвореници во ужасен затвор. Без никаква стимулација или љубов, тие немаа надеж и многу од нив буквално беа донесени до лудост и понатаму.
Но, целиот тој ужас конечно завршил во Септември 2011, кога преживеаните 38 шимпанзи беа пуштени во засолниште во Австрија. Таму тие ќе можат да го поминат својот преостанат живот заедно и среќно, благодарение на 59 годишниот конзервационист Михаел Ауфхаузер. Тој е основач на добротворна организација за животни која е присутна во 4 европски држави. Тој го надгледуваше градењето на засолништето, кое чинеше околу 3 милиони фунти.
