Скандалозни откритија за учеството на производителот на кучешка храна “Ројал Канин“ во спонзорирање на борби меѓу кучиња и мечки во Украина се обелоденети од меѓународната организација за заштита на животните “Четири шепи“, кои располагаат со видео материјал од меч, спонзориран од Ројал Канин, кој бил одржан во април 2013 година во шумите близу градот Виница, Украина.
Според информациите обелоденети од страна на “Четири шепи“ во Украина има 15 – 20 мечки кои се користат за тренирање на борбени кучиња. Тие живеат во тесни кафези врз гол бетон и излегуваат од таму само за тренинг на кучињата. Пракса е да бидат недохранети за да се послаби противници за кучињата. На повеќето мечки ноктите им се исечени.
http://www.youtube.com/watch?v=uN6a8PR-jZg#at=18