Средете ги своите профили за да не зажалите: Фејзбук подготвува тежок удар на приватноста!

Неодамна Фејзбук најави промени на својата мрежа со воведувањето на најновата алатка наречена Graph Search. Оваа алатка иако изгледа иновативна и забавна, ќе овозможи дел од вашите лични информации да отидат во погрешни раце. Например Graph може да овозможи пребарување и на оние фотографии кои сте ги скриле на Timeline.

Колку пати до сега ве тагнале на фотографии кои не ви се допаѓаат. Сите фотографии на кои сте тагнати, а припаѓаат на некој од вашите пријатели ќе можат да бидат разгледувани со помош на новата алатка.

Како да се заштитите?

Влезете во Account Settings и изберете Timeline and Tagging и тука подесете ги сетинзите за тоа кој ќе има достап до постовите на кои сте тагнати како и постовите на вашиот Timeline.

Наскоро сите ќе можат да видат какви книги сакате, од кој град сте, каде сте работеле. Доколку не сакате некој да ве вознемирува само затоа што имате заеднички омилен писател или сте фанови на ист бенд, кликнете на  Update info  во горниот десен агол и разгледајте ги сите опции за подесување.

Можеби сте лајкувале безброј страници и тоа ќе ви се разбие врз глава. Искористете ја алатката Activity log во горниот десен агол веднаш покрај Update info и погледнете што све сте јакнале и отстранете го она што повеќе не ви се допаѓа.

Можеби сега се ви изгледа безопасно и не ве загрижува фактот што некој непознат ќе може да ги разгледува вашите лични информации. Но кога ќе се активира новата услуга на Фејзбук, можеби ќе биде веќе касно.