На децата модринките и исечениците им се составен дел од животот, меѓутоа за малиот Хуго Торнквист, и еден најмал удар може да направи пекол од животот.
2-годишниот Хуго е роден со ретко пореметување поради кои неговата кожа е многу чувствителна и лесно пука. Синдромот наречен “Junctional Herlitz Epidermolysis Bullosa” толку е сериозен што докторите на родителите им кажале дека Хуго нема да го доживее првиот роденден.
Меѓутоа, Хуго и понатаму се бори. Го прославил вториот роденден и единствено што укажува на неговата тешка состојба се пликовите и кожата која лесно се лупи.
Се случува понекогаш момчето да има проблеми со дишење, но за среќа овие проблеми кратко траат. Родителите на Хуго прават се за нивното момче да обезбедат нормален живот. Да спречат нивниот син на било кој начин да се повреди, што за него би можело да биде катастрофално, семејството целиот дом го обложиле со специјални сунѓери.
Малото момче не смее да има контакт со другите деца за да се избегне повреда. Дури и неговите сестри не живеат во истата куќа за Хуго да биде заштитен од болести и вируси.
“Лекарите толку малку знаат за оваа болест, што на поголемиот дел од моите прашања, немаат одговор. Ние воспоставивме некој ритам на живот кој на мојот син ќе му помогне да доживее вториот роденден иако рекоа дека нема да го доживее ни првиот”, вели мајката.
Таа вели дека мора да се бори за ова дете, бидејќи е мило и добро дете. Таа се надева дека со тек на време неговата состојба ќе се подобри и ќе може да живее нормален живот.
