Тридневна жалост за 245-те жртви од пожарот во дискотека во Бразил

Бразил прогласи тридневна национална жалост за лицата кои загинаа во пожар во дискотека во Санта Мариа, објави Би-Би-Си.

 

Властите соопштија дека загинале 245 лица, а околу сто лица се хоспитализирани.

Пожарот во дискотеката “Кис“ го предизвикал член на бендот кој тогаш свирел. Според локалните власти тој запалил мал огномет на сцената.Пламенот го запалил таванот, од каде пожарот почнал брзо да се шири.

Властите соопштиле дека најголемиот број од жртвите се студенти кои починале од  вдишување на густиот чад. Утринава ќе се одржат првите погреби.

Еден локален весник напишал дека пожарот избувнал додека студентите од локалниот државен универзитет правеле забава за новите студенти.

Марчело Гонзато, локален новинар за Би-Би-Си изјавил дека по огнометот почнал горем пожар кој брзо се ширел исполнувајќи ја дискотеката со црн и густ чад.

“Многу од присустните не можеле да излезат и загинале дека поради чадот, а не од огнените јазици“, објаснил тој, додавајќи дека во дискотеката имало само еден излез, а околу 500 студенти.

Ова е еден од најсмртните пожари во Бразил во последните пет декади.