Ахмед е најмладиот син на 53-годишниот пилот, капетанот Захариа Ахмад Шах, кој според шпекулациите можеби го киднапирал авионот како израз на политички чин.
“Прочитав се’ на интернет. Меѓутоа ги игнорирав тие шпекулации. Јас го познавам мојот татко подобро. Можеби не бевме многу блиски, бидејќи цело време патува. Но јас го познавам”, изјавил Ахмед Сет Захариа.
Ахмед е првиот член на семејството на пилотот кој пред медиумите зборува за исчезнувањето на авионот, пренесува CNN.
Капетанот и првиот офицер биле “под лупа” поради големиот број теории кои велат дека едниот од нив, или можеби двајцата, го пренасочиле авионот од редовниот курс на летот, пред повеќе од две седмици од кога авионот се води како исчезнат. Во меѓувреме, потрагата по остатоците од малезискиот авион била прекината поради лошите временски услови, соопштиле австралиските власти, кои ги повикале авионите и бродовите да се повлечат.