Познатата актерка Деми Мур, чија ќерка заврши на рехабилитација во клиника за одвикнување од наркотици, тврди дека таа во пеколот на дрогата дошла поради нејзина вина. Имено, Талула Вилис, ќерка на познатиот актер Брус Вилис и Деми Мур, заврши на клиника за одвикнување од наркотици поради злоупотреба на алкохол и кокаин.
За овој страшен проблем во кој се нашла нејзината ќерка Талула, Деми се обвинува себе си, бидејќи и самата пред две години се најде на рехабилитација, и се плаши дека им дала лош пример на нејзините деца.
– Деми се чувствуа виновна поради Талула, бидејќи не била под нејзина контрола. Како самата да го преживува повторно тоа искуство. Таа се обидува да остане силна поради неа – откри изворот, а пренесуваат светските медиуми.