Домашни бисквит коцки

2 ноември, 20140
25

Состојки
• 450 г брашно (состојки за бисквит)
• 1 јајце (состојки за бисквит)
• 150 г шеќер (состојки за бисквит)
• 1 лажичка сода бикарбона (состојки за бисквит)
• 50 г маргарин (состојки за бисквит)
• 2 лажици млеко (состојки за бисквит)
• 2 лажици мед (состојки за бисквит)
• 1 лажица какао во прав (состојки за бисквит)
• 2 ½ лажици брашно (фил)
• 400 мл млеко (фил)
• 3 лажици шеќер (фил)
• 1 кесиче ванилин шеќер (фил)
• 150 г путер (маргарин) (фил)
• 100 г чоколадо за готвење (глазура)
• 2 лажици масло за готвење (глазура)
Подготовка
1. Исечете три хартии за печење во големина на тавата за печење и една половинка (оригиналниот рецепт вика четири големи).
2. Подгответе го бисквитот: во сад за готвење, со миксер, изматете го јајцето заедно со маргаринот, млекото, медот, шеќерот, какаото во прав и сода бикарбоната. Откако смесата добро ќе се измати, садот ставете го на оган и со постојано мешање, варете се додека не запени.
3. Садот тргнете го настрана, додадете го брашното, измесете глатко тесто и поделете го на 2 дела (доколку сте поискусни може и на 3 дури и на 4 дела).
4. Додека е се уште тестото топло, расукајте го врз хартијата за печење, најтенко што можете. Со нож, исечете ги краевите за да добиете убава коцка и пресечете го на пола така да добиете два правоаголници.
5. Постапката повторете ја и со другите теста, притоа водејќи сметка да при сечење на краевите да добиете иста коцка како и претходната. За полесно, измерете ја првата и останатите правете ги според таа.
6. Остатокот тесто (од отсечените краеви), малку измесете го и направете уште еден правоаголник (пола коцка).
7. Рерната загрејте ја на 180 степени. Тестото, заедно со хартијата за печење, префрлете го врз тавата за печење која ја имате свртена наопачки. Секое тесто печете го околу 6-7 минути или се додека краевите не почнат малку да пукаат.
8. Правоаголници завиткајте ги во крпа и оставете ги така се додека не го подготвите филот.
9. Ставете го млекото да зоврие. Брашното, шеќерот и ванилиниот шеќер, настрана, измешајте ги со неколку лажици од млекото и кога ќе зоврие, додадете го во млекото. Мешајте се додека не добиете густа смеса како пудинг.
10. Смесата оставете ја да се олади и додадете го путерот. Матете со миксер се додека добиете фина, хомогена смеса.
11. Со филот, филувајте ги корите така да При филување, внимателно притиснете ги, внимавајќи да не ги искршите.
12. На пареа, растопете го чоколадото за готвење заедно со 3 лажици масло. Со оваа чоколадна глазура прелијте ги колачите и оставете ги во фрижидер минимум 5, 6 часа за да омекне бисквитот.

Leave a Reply

Your email address will not be published. Required fields are marked *