Количината на никотин во цигарите од 1999 до 2011 година е зголемена за 15 %, покажува најновото американско истражување. Резултатите се темелат на податоците за четири водечки производители на цигари во Америка. Експертите бараат да се воведе построга регулација на количината на никотин присутен во цигарите, бидејќи спред нивните зборови, поголемата концентрација на никотин значително го отежнува откажувањето од пушење.
Според достапните податоци во Америка секој ден 3000 тинејџери ја палат својата прва цигара, а 1000 од нив стануваат зависни од никотин. Експертите исто така укажуваат на тоа дека пушачите просечно живеат 13 години помалку од непушачите.