Тој добил тешка повреда на мозокот поради која медицинската помош на лице место првично го прогласила за мртов. Сепак во болницата го ставиле на апарати за одржување во живот.
По извесно време докторите разговарале со неговите родители за тоа да го исклучат од апаратите, а родителите потоа почнале да размислуваат и за донација на неговите органи. Сепак, набргу потоа Сем се разбудил од тешката кома.
По повеќе од две години рехабилитација, Сем минатиот месец излегол од неуролошкиот институт Бероу во Феникс.
„Изненаден сум од крајниот резултат. Моето опоравување е базирано на многу напор и многу работа“ – вели Сем.
Многумина мислеле дека никогаш нема да се разбуди и опорави од несреќата, а нивните сомнежи во голема мера биле основани.
Сепак неурохирургот Роберт Спецлер верувал дека Сем може да закрепне и да успее да се опорави.
„Многу работи не беа како што треба. Тој имаше крвавење, анеуризам и мозочен удар, но немаше тромб во најважниот дел од мозокот“ – вели Спецлер.
Неговата мајка Сузан Реган вели дека заздравувањето на Сем е вистинско чудо.
„Секој ден му е се подобро. Мислам дека е чудо што закрепна. Беше толку блиску до смртта, но сепак успеа да се врати“ – вели таа.
httpv://www.youtube.com/watch?v=GFrmUIavwlE