Ријана, Наоми Кембел и Иман снимиле заедничка фотосесија за светскиот моден бренд Balmain.
Трите грации се претставнички на различни генерации, што го прави проектот уште поинтригантен.
59-годишната Иман ја започнува ѕвездената кариера во далечната 1975 година со фотосесија за Vogue. 44-годишната “Црна Пантер” Наоми Кембел пак ја гледаме по пистите веќе 15 години, таа е и првата црна жена која се појави на насловната страница на списанието Time. За своите 26-години Ријана е една од најголемите ѕвезди во музиката. Рири е носител на десетици награди, а речиси секоја песна, која ќе издаде веднаш станува хит.
На фотографиите трите дами позираат со облека од есенската колекција на Balmain. Фотосесијата е специјално создадена за W Magazine.
