Есента и зимата се најпознати по палтата и капутите. Не само што нѐ одржуваат стоплени и изолирани од лудото време туку се и важен дел од целокупниот изглед. Богатиот избор на стилови (парка, пончо, мантил и др.), вариететот на материјали и силните бои се можеби најдобрите епитети за овогодишните модерни палта.
Црпејќи инспирација од 20-тите и 60-тите ваквите капути ги освоија модните зависнички. Нивната текстура, чистите линии, едноставниот дизајн и можноста лесно да се склопуваат комбинации е причина плус зошто мора да си набавите некој ваков модел.
