Господ работел неуморно шестиот ден за да ја создаде жената. Еден од ангелите го запрашал: Зошто толку се трудиш за неа? Бог одговорил: Ти дали ги погледна инструкциите? Не треба да се плаши од влага, не треба да е од пластика, треба да е составена од 200 подвижни делови, да преживее само со кафе и остатоци од храна, колениците мораат да и бидат издржливи, за да носи две деца истовремено, а кога ќе се исправи да биде грациозна, а за бакнежот? – Треба да може да лекува се – од најмалото скршено срце, до срцето на нејзината мајка и срцето на саканиот човек. Треба да има и шест пара раце.
Ангелот се изненадил од големите барања кои жената треба да ги исполни. Шест пара раце? Зошто толку многу? – запрашал збунето ангелот.
Бог одговорил: О, да, и тоа не е најголемиот проблем! Проблемот е во трите пара очи што треба да ги има секоја жена!
И сите тие додадоци за еден обичен модел? – зачудено запрашал ангелот.
Бог одговорил: Да, еден пар очи и требаат на мајката за да гледа низ затворени врати и да знае што и прават децата во секој еден миг. Вториот пар очи и се за да го гледа она, што е неопходно, без никој ништо да и каже. Третиот пар очи се наменети за да може со поглед да му каже на саканиот и децата колку многу ги љуби.
Ангелот се обидел да се посоветува со Бога: Но тоа е премногу работа, ќе можеш ли за еден ден да ја завршиш?
Не, нема да можам! – одговорил Бог.Јас се грижам за жените, за мајките, за вдовиците, за осамените и тажните секојдневно!
Ангелот ја допрел жената и извикал: Господе, зошто е толку нежна?
Да, нежна е, но јас ја направив и силна. Ти не можеш ни да претпоставиш што се таа може да истрпи!
А може ли да мисли? – запрашал ангелот.
Бог го уверил: Не само што може да мисли, таа умее и да се аргументира и да докаже!
Тогаш ангелот го допрел лицето на жената и рекол: Мислам дека моделот не е водоотпорен. Ти реков да не вложуваш толку многу труд во неа!
Не пропушта вода! – се насмевнал Господ. Тоа се слози!
Но зошто солзи? – се изненадил ангелот.
Господ објаснал: Низ солзите таа изразува радост, страдање, болка, разочарување, осаменост и гордост!
Ангелот бил импресиониран: Господе, ти си гениален! Сега знам зошто жената е толку специјална!