Како хороскопскиот знак влијае врз вашата сексуалност?

Овен

Родените во овој знак се неверојатно „жешки“ и едноставно го обожаваат сексот. За оние кои бараат страстен партнер кој го сака сексот, овните се идеални партнери. Оние пак што мечтаат за романтична врска, треба да знаат дека овните често ја мешаат страста со љубовта.

Во врска влегуваат прво и основно заради сексот, чувствата не се толку важни за нив. Сакаат да експериментираат, но кога ќе го најдат вистинскиот партнер кој може целосно да ги задоволи, остануваат со него и не „мрдаат“ настрана.

Оние кои сакаат долг секс, треба да имаат во предвид дека овните не се најдобрите партнери за нив. Овните сакаат краток секс, исполнет со страст, но без долга предигра. Тие сакаат директно да преминат на „главното“. Поради тоа често имаат проблеми со своите партнери.

Бик

Биковите се најчувствителниот знак во хороскопот, по рибите. Родените под заштитата на Венера, обожаваат да ги галат своите партнери и да им ласкаат. Но, исто така сакаат да им биде ласкано и да бидат галени, чешкани и стимулирани за време на долга предигра.

Предиграта им е исто толку важна колку и самиот секс. Не сакаат да брзаат и сакаат долго, сензуално и пријатно водење на љубов. Тоа резултира со силен оргазам, каков што ретко кој друг може да достигне.

Машките претставници на бик се добри сопрузи, но нивните жени често се жалат дека не се доволно активни во кревет. Тие избираат пасивна улога и очекуваат жената да ги предводи.

Претставниците на овој знак не сакаат да експериментираат, ниту пак сакаат некакви перверзии. Најлесно паѓаат на нежност.

Близнаци

Близнаците се господари на заведувањето и многу ќе погрешите ако мислите дека можете да ги имате само за себе. Не дозволуваат да бидат потчинети и имаат силна желба за слобода и независност во врската. Машките близнаци знаат да манипулираат со жените и ќе кажат сè, само за да завршите во нивниот кревет.

Ако сексот е ист подолго време, близнаците запаѓаат во монотонија, па затоа треба постојано да ги изненадувате, за да воспоставите длабока сексуална врска. Сакаат постојано да експериментираат и да пробуваат нови работи, со цел да го задоволат своето сексуално его. Поради тоа честопати имаат повеќе од еден сексуален партнер.

За време на сексот, љубовта и нежноста не се важни за близнаците. Сексот за нив е една голема забава. Ништо не може да ги шокира, па затоа не се изненадувајте ако помеѓу нив најдете и голем број хомосексуалци. Сакаат да пробаат сè, со секого и секаде.

Рак

Раковите се од оние личности кои постојано сакаат да добиваат комплименти и поддршка. Ако го добијат она што им е потребно, тие се предаваат и стануваат добри пријатели, љубовници и ваши обожаватели. Мажот рак сака да биде учителот, па неговата партнерка треба да се потруди да го убеди дека тој ѝ ги открил вистинските тајни на сексот.

За раковите, емотивната врска е поважна отколку сексот. Но, тоа не значи дека не сакаат да имаат редовно секс. Напротив, тие многу го сакаат сексот, но само со својот партнер. Не сакаат да ги менуваат партнерите, а своите ги сметаат за своја сопственост и никогаш не би ги изневериле.

Имаат огромна сексуална енергија, која понекогаш ги изненадува и нив самите. Предиграта секогаш е поважна за нив, отколку самиот оргазам.

Раковите сакаат сè да биде романтично. Често ги идеализираат своите партнери и еден погрешен потег може да ги уништи шансите за долга и романтична врска. Со текот на времето стануваат малку пореалистични и однесувањето кое порано ги навредувало, сега станува прифатливо за нив. Но, внимавајте! Во секое време може да се вратат на старите критериуми.

Лав

Сексуални авантуристи, креативни и способни да го задоволат секој партнер. Лавовите не сакаат предвидлив секс, туку секс исполнет со предизвици и авантури. Полудуваат од задоволство кога гледаат како им се восхитувате и комплиментите значат многу за нив.

Претставниците на знакот лав сакаат да доминираат. Преку сексот покажуваат дека се диви во кревет и сакаат да ги создаваат правилата. Го обожаваат самиот сексуален однос и не можат да разберат зошто некој би ја сакал предиграта.

Лавовите имаат потреба да видат дека вие уживате во сексот со нив. Не сакаат да практикуваат секс повеќе од еднаш дневно, но кога се расположени за секс, го прават со огромно задоволство.

Имаат неверојатна сексуална енергија и самодоверба во спалната. Дарежливи се и очекуваат да им биде возвратено во иста мера. Многу експерти сметаат дека лавовите се најдобри љубовници во хороскопот.

Девица

Девиците во сексот бараат совршенство и поради тоа многу време поминуваат во потрага по совршен партнер. Некои од нив претпочитаат да се самозадоволуваат за да се ослободат од сексуалната тензија и можат да го чекаат вистинскиот партнер многу долго.

Премногу се критични, аналитични и претпазливи, се плашат од болести и инфекции, па пред да имаат секс со некого треба да помине подолго време. Не се личности кои би прифатиле секс за една вечер, премногу се скромни и резервирани и според нив сексот не треба да има големо значење во врската.

За девиците најважни се малите работи во сексот. Многу често магијата на сексот е токму во тие „ситници“, а девиците се мајстори за нив. Не сакаат изненадувања и експериментирања, туку сакаат сè да биде испланирано до детаљ.

Вага

Вагите силно ги ценат интелегенцијата и добрите комуникациски способности, затоа немојте да мислите дека вашето убаво лице или тело се доволно за да го привлечете нивното внимание. Ја сакаат убавината и најчесто нивните домови се совршено дизајнирани.

Мразат да бидат избрзувани и сакаат долга и романтична предигра. Машките претставници на вага имаат сè што една жена може да посака – богата општа култура, добро ја познаваат човечката анатомија, знаат каде се наоѓаат ерогените зони, имаат добра интуиција и еротска фантазија. Ја сакаат водата и чистотата, па секогаш пред секс се тушираат и ги одржуваат мазни своите интимните делови.

Сè треба да биде идеално кога вагите имаат секс. Дури и најмалиот сомнеж дека не ве задоволуваат целосно, може да ја уништи нивната сексуална желба. Ако ова се случи, немојте да очајувате. Започнете со комплименти, кажете му дека го сакате и дека ви е многу убаво со него и тој ќе стане посмел, а вие нема да зажалите за тоа.

Шкорпија

За нив се верува дека се господари на сексот. Немаат никакви проблеми со заведувањето. Кога ќе ја маркираат својата жртва, не штедат средства за да ја освојат, а кога ќе ја освојат, таа станува нивна сопственост.

Понекогаш шкорпиите се погрешно претставувани, затоа што се смета дека мислат единствено на секс, но тоа не е баш така. Нивниот стил во сексот е неразбирлив за другите и комплициран. Тие можат да прават сè во кревет, но не со секого. Шкорпиите секогаш го чуваат во тајна својот интимен живот, единствено можете да прочитате од нивните очи колку е голема нивната желба за секс.

За да ги избегнете предрасудите за шкорпиите, треба да знаете дека нивното искуство не доаѓа од нивната промискуитетност, туку од нивната жестокост и висока чувствителност. Интензитетот на нивните емоции најчесто оди во крајности: болка, задоволство, страдање, сензуалност, егзотичност.

Стрелец

Стрелците се вистински мајстори кога станува збор за освојување. Постојано бараат нови жртви за да ги погодат со своите љубовни стрели. Тие ги привлекуваат туѓите погледи со нивната харизма и сексапил. Нивните ораторски способности ги хипнотизираат мислите на „жртвите“. Обожаваат да зборуваат дури и во кревет, за нив тоа е комбинација од двете најголеми задоволства.

Полни се со сексуална енергија, сакаат да водат љубов секогаш и секаде, а нивна вечна желба е менувањето на пози и места, но и на сексуални партнери. Можеби не се многу издржливи во кревет, но за сметка на тоа секогаш се спремни да пробаат нова поза. Мајстори се кога се работи за еротска масажа, како со раце така и со јазик.

Доколку имаат сериозна врска, страста преминува во нешто повеќе – љубов. Со нивниот партнер постојано сакаат да имаат секс, но се обидуваат тоа да не им пречи во богатиот социјален живот.

Јарец

Тие секогаш се натоваруваат со премногу работа и не им останува време за уживање. Во помлади години се воздржани во однос на сексот. Тогаш преферираат да учат и да се грижат за својата кариера. Колку и да се воздржуваат, сепак во нив се крие страстен љубовник/ца. Тоа не е толку очигледно како кај шкорпијата, затоа што е скриено зад маска од смиреност.

Кога ќе ја надминат 30-тата година, тие веќе се имаат реализирано професионално, посамоуверени се и започнуваат да експериментираат сексуално. Не се многу романтични, но се доволно паметни за да му покажат на партнерот дека се заинтересирани (преку испраќање бонбони, цвеќиња и др.). Нивната воздржаност најчесто исчезнува по 40-тата година.

Сакаат да имаат до себе партнер кој што знае што сакаат тие и да биде на располагање секогаш кога им е потребен. Поседуваат неверојатна издржливост и можат да чекаат и цела вечер додека нивниот партнер не ја достигне највисоката точка. Љубовта и сексот кај нив одат рака под рака. Ако се заљубени, не им требаат дополнителни стимули за да се возбудат.

Водолија

Независните водолии имаат огромен број тајни, некои необични, a некои дури и уникатни. Сите мислат дека е многу лесно се задоволи водолија, но само оние кои биле со нив знаат дека тоа не е така. Всушност, водолиите се многу непредвидливи.

Нивното однесување за време на секс зависи во најголема мера од нивното расположение. Тие понекогаш се многу големи ентузијасти и новатори, а понекогаш се премногу мрзливи, па не можете да бидете сигурни што да очекувате следниот пат. Ако сте флексибилна личност, никогаш нема да зажалите ако сте со водолија. Со нив никогаш нема да ви биде досадно.

Вашиот живот ќе се претвори во една голема авантура, затоа што за водолиите не постојат стандарди и граници. Секогаш се спремни да пробаат нешто ново, необично и егзотично. Не ги интересира мислењето на другите.

Внимателно со нив. Тие премногу ги сакаат своите пријатели и својата слобода. Најмногу мразат некој, па макар тоа да е нивниот партнер, да им ја ограничува слободата.

Риби

Рибите се управувани од Нептун – планетата на скриените и невидливите работи, на фантазиите и мистериите. Никогаш нема да сретнете почувствителни личности од рибите. Знаат да уживаат во сите сензационални работи што им ги пружа сексот.

Понекогаш многу лесно им се предаваат на своите партнери и длабоко во себе стануваат премногу зависни од нив. За нив сексот и љубовта одат заедно и поради тоа се чувствуваат сигурни. Повеќе се грижат за другите отколку за себе, па најзадоволни се кога нивниот партнер доживува оргазам и се трудат на секој можен начин да му го овозможат тоа. Со нивниот живот, а особено со сексот, управуваат емоциите.

Односите меѓу партнерот и рибите често се односи господар-роб. Особено задоволство за рибите претставува исполнувањето на наредбите за време на сексот. Поради тоа, постојано бараат партнер кој што ќе доминира и ќе издава наредби.