Веројатно многу пати до сега сте слушнале дека црвениот лак е симбол на огнена и страсна жена, истовремено и тоа дека се работи за дама која флертува и која сака да биде доминантна во кревет. И ова не е далеку од вистината, но исто така и останатите бои можат да им пренесат пораки на останатите за вашиот карактер.
Црвен лак носат страсни жени
Освен што изразува нечиј стил, бојата открива многу и за карактерот на личноста. Црвениот лак дури се смета за вечна класика, а го избираат романтични и страсни жени. Тие се вистински кокети кои уживаат во флертот, а истовремено се енергични и подготвени да се изборат за она што го сакаат.
Опуштените дами избираат неутрални бои
Неутралните бои ја истакнуваат убавината на природните нокти, а ги избираат жени кои не сакаат премногу да се истакнуваат. Тие имаат благ карактер, опуштени се и задоволни од својот изглед. Верни се на себеси и не се плашат тоа да го покажат. Бидејќи имаат самодоверба, немаат потреба да се истакнуваат.
Лак со светки избираат забавни и весели дами
Светките им даваат на ноктите одредена доза разиграност, а тоа го знаат и жените што ги носат. Тие паѓаат на добар хумор, го гледаат животот како добра забава и во се бараат возбуда. Исто така сакаат да бидат центар на внимание и да бидат видени.
Темни нијанси носат јаки жени
На темните нијанси прибегнуваат жени кои сакаат доза таинственост во животот. Ги карактеризира силна личност, не ги почитуваат правилата и сакаат да го изразат својот бунт. Имаат јасни цели во животот и точно знаат како да ги остварат.
За ѕвездата на вечерта само впечатливи нијанси
Впечатливите бои како портокалова, пинк розова, зелена, жолта и слично избираат жени со слободен дух кои сакаат да се истакнат во друштвото. Најчесто се ѕвезди на секоја забава, не се ни малку срамежливи и не се плашат тоа јавно да го кажат. Не им е гајле што другите мислат за нив.
Уметност на ноктите открива креативна особа
Маникирот со мотиви е својствен за креативни жени. Тие се оптимисти, спонтани и не сакаат ништо да планираат пред време. сакаат да живеат во моментот, самоуверени се и точно знаат како да се изразат на своето животно поле.