Камерон Диаз: Не ми требаат деца!

– Никогаш категорично не сум одбивала да имам деца. Да ги сакав во кој било период од животот, би ги имала. Ако премногу сакав дете, тоа сигурно би го пронашло патот во мојот живот, дали преку посвојување или со врска со некој кој веќе има дете, изјави актерката во интервју за Телеграф.

Децата не и недостасуваат, затоа што често е опкружена со нив.

– Не сум без деца. Имам тон деца во својот живот. Можам да имам дете покрај себе кога и да посакам. Моите пријателки само ми велат „Секако, дојди да ги земеш“, објасни Камерон.

Таа истакнува дека воопшто не е осамен случај и дека голем број од нејзините пријателки немаат деца.

– Не сум единствена, многу мои пријателки немаат деца. Тоа што не се остварив во мајчинството е сосема во ред. Мојот живот можел да отиде во различни правци, заклучи таа.