По сè изгледа дека ова е година на Кара, а особено по последните шушкања дека таа е во трка за новата Бонд девојка, во филмот кој би требало да се појави во кината следната година.
Не е тајна дека познатата манекенка се обидува да создаде и актерска кариера. Откако имаше мала улога во филмот Ана Каренина, Кара овие денови го снима високобуџетниот филм Петар Пан, во кој глуми сирена. Меѓутоа, улогата на Бонд девојка е голем чекор напред, секако доколку дојде до тоа.
“Кара веќе одамна е заинтересирана да глуми во филмот за британскиот агент, па луѓето од продукција озбилно почнале да размислуваат за тоа познатата манекенка да им се придружи. Во основа, реакциите се позитивни,” откри непознат извор.
Исто како и последното продолжение, “Небесен пад”, и овој ќе биде режиран од страна на Сем Мендес, а улогата на агентот 007 ќе го глуми Даниел Крег. “Бонд 24” почнува со снимање кон крајот на оваа година, а сите обожаватели на новиот продолжеток, истиот ќе имаат прилика да го гледаат во кино салите кон крајот на 2015 година.
А што се однесува до Кара, ја очекуваме во улога на лоша девојка, бидејќи тешко ни е да ја замислиме да глуми заводлива и добра девојка со оние бујни веѓи, зарем не?
