Николија Луковиќ има 15 години, а последен пат била видена во петокот. Канадската полиција ги замолила сите граѓани да помогнат доколку имаат било каква информација што ќе помогне во истрагата.
Полицијата објавила и фотографија на ќерката на Легија која е родена во Торонто и каде пораснала без никаков контакт со нејзиниот татко.
Маја Луковиќ и Легија се венчале во 1992 година, а кум на свадбата бил Жељко Ражнатовиќ Аркан. Сепак Легија наводно никогаш не ја видел својата ќерка Николија.
Милодраг Улемек Легија, бивш командант на Црвените берети осуден е на 40 години затвор како еден од главните организатори на убиството на Џинџиќ.
Полицијата сеуште не знае дали се работи за бегство од дома или киднапирање.
