Кога модната дива Оливија Палермо ќе се здружи со луксузниот италијански бренд за чевли Aquazzura, финалниот производ мора да биде спектакуларен!
Долгоочекуваната заедничка колекција на чевли со потпис на Палермо и Aquazzura, конечно беше претставена на јавноста, иако за лансирањето ќе почекаме уште десетина дена, кога ќе бидат ставени на продажба на веб страната Net-A-Porter.
Лимитираната колекција вклучува металик сандали од кожа, полу длабоки чизми, сандали со скапоцени камења, римјанки на штикла, длабоки чизми и салонки со чипка.
“Мислам дека мојата тајна е во тоа што навистина обожавам облека и мода. За мене вистинско задоволство претставува да дизајнирам стајлинг, модели, за секоја пригода и за жени на било која возраст”, изјави 28-годишната трендсетерка.
Палермо која оваа година се омажи за нејзиниот долгогодишен дечко, моделот Јоханес Хуебл (28), веќе некое време е “тивок” амбасадор на брендот од Фиренца.
“Оливија и јас ја делиме истата страст за чевлите и имаме иста естетика. Таа е вистинска икона на стилот и има совршено познавање за облеката и трендовите. Ова е колекција која секоја жена би ја посакала.”
