Медицината нема одговор: Девојче од Индија плаче крв

Твинкл Двиведи е 13-годишно девојче кое долго време пати од непозната болест. Таа веќе цели 2 години плаче крв.

Нејзините крварења некогаш се појавуваат и од рацете и нозете.

Семејството и познаниците кои се верници велат дека ја опседнал лош дух, додека оние склоните кон науката, веруваат дека таа има некоја до сега неоткриена болест.

Голем број на лекари го испитуваат овој феномен, кој веќе 2 години и го попречува нормалниот живот на младата Твинкл.

Педијатарот кој го прегледал ова девојче смета дека веројатно има проблем со тромбоцитите кои помагаат крвта да се згрутчува или пати од неидентификуван облик на карцином.

Но, конечната дијагноза ќе се знае дури откако Твинкл ќе ги направи сите испитувања и тестови. Моментално сè е само една голема претпоставка.

– Нејзините очи во еден момент се зацрвенеа и по неколку секунди почнаа да крварат, објаснува нејзината мајка.

Девојчето вели дека тоа понекогаш е многу болно. „Денес можеби не ме болеше, но некогаш знае да биде неиздржливо,“ раскажува Твинкл.