Службите на САД ќе продолжат да ги шпиунираат странските влади, изјавил американскиот претседател Обама во интервјуто за германската телевизија ZDF.
Обама изјавил дека го забранил шпиунирањето на лидерите на пријателските земји, како и дека нема да дозволи оваа програма да ги наруши односите со Ангела Меркел.
“Нашите служби, како и сите останати, ќе бидат заинтересирани за намерите на владите ширум светот и во иднина. Тоа нема да се смени се додека јас сум претседател“ – изјавил Обама во интервјуто.
– Нема смисла да постојат вакви служби ако се ограничени на теми што секој може да ги прочита во Њујорк Тајмс – нагласил Обама.
Тој изјавил дека суштината за постоењето на ваквите служби е да дознаат што народот мисли и што прави.
Односите помеѓу Берлин и Вашингтон се влошени откако Сноуден обелодени дека НСА ги прискушувала телефоните на многу американски граѓани, но и луѓе од странство, меѓу кои и Ангела Меркел.
