По забраната Youtube повторно достапен во Турција!

Турските власти на 27-ми март го оневозможија пристапот до YouTube поради „национална безбедност”, по објавувањето на пиратските снимки за доверлив состанок на високите турски функционери во врска со војната во Сирија.

Одлуката на највисоката турска судска истанца мора да ја спроведе телекомуникациската агенција којашто ја спроведе забраната.

Откако корисниците на интернет поднесоа тужби, повеќе турски судови оценија дека забраната за достап до YouTube се коси со слободата на говорот, но владата во Анкара не сакаше да ја повлече својата одлука којашто сепак корисниците успеваа да ја заобиколат.

Уставниот суд на почетокот на април ѝ нареди на владата да ја укине сличната забрана за достап до мрежата за микроблогирање Twitter, две седмици по нејзиното воведување.

Премиерот Ердоган им објави војна на социјалните мрежи откако почнаа да објавуваат информации за неговата наводна вмешаност во големиот корупциски скандал кој од средината на декември минатата 2013 година ја потресува Турција, што тој го оцени како оцрнување. Ваквите забрани, инаку, предизвикаа многу критики на негова сметка, како во Турција, така и во странство.