Нашето тело ја употребува течноста за исфрлање на токсичните супстанци од организмот и одржување на телесниот систем рака да бидеме здрави, флексибилни и потполно функционални.
Најчести симптоми и највпечатливи знаци на дехидрација
Симптомите на дехидрација првиот пат вообичаено се манифестираат тогаш кога особата исклучително е жедна, а со текот на времето има потенцијал да прерасне во нешто многу посериозно. Желбата за вода станува сè поголема, а целата состојба е сè потешка за издржување. Првите знаци и симптоми на блага дехидрација кај возрасните особи се јавуваат тогаш кога телото ќе загуби приближно 2% од севкупната количина на течности.
Најчести симптоми на блага дехидрација:
- зголемена жед
- губење на апетитот
- сува кожа
- мокрача со темна боја
- сушење на устата
- премореност и чувство на слабост
- притисок во главата
Доколку брзо после појавата на овие симптоми ништо не се превземе, кога севкупното губење на телесната течност достигне 5%, доаѓа до до појава на следниве манифестации на дехидрацијата:
- исклучително забрзана работа на срцето
- забрзано дишење
- намалено потење
- ретко мокрење
- зголемена телесна температура
- исклучително голема премореност
- појава на грчеви во мускулите
- главоболка
- повраќање
Кога телото ќе изгуби дури и 10% од севкупната количина на телесни течности, тоа е знак за најитна помош. Губење на телесните течности од 10% и повеќе, многу често може да биде кобен. Најчести симптоми на тешка дехидрација се:
- Грчење на мускулите
- повраќање
- исклучително забрзан пулс
- замате поглед
- силна болка при мокрењето
- дезориентираност и збунетост
- тешкотии при дишењето
- болка во пределот на градите и абдоменот
- несвестица
Тоа што исто така треба да го имате на ум е и тоа дека ова не се единствени симптоми на тешка дехидрација, туку се најчести симптоми кои се јавуваат во голем број случаеви.