Секташи правеле пита од човечко месо!

Полицијата на општина Гарањунс во бразилската сојузна држава Пернамбуко уапсила две жени и еден маж, под сомнение за убиство откако недалеку од нивниот дом закопани во земјата биле пронајдени остатоци од две жени, кои биле водени како исчезнати.

Сите три уапсени лица на сослушувањето во полицискиот притвор признале дека се припадници на одредена секта и дека „глас” им рекол да ги извршат убиствата на двете жени. Потоа, уапсените признале дека јаделе делови од телата на своите жртви. Една од уапсените жени рекла дека дури приготвувала и пити со човечко месо коишто ги продавала низ градот.

Според полицијата, уапсените секташи се сомничат за убиство на уште шест други жени во Пернамбуко.

Канцеларијата на јавно обвинителство подготвува подигнување обвинение за киднапирање, убиство, криење човечки тела, канибализам, измама и прекршоци против здравјето на луѓето.