Вознемирувачка содржина: Џелатот ја отсекол главата на киднапираниот Британец!

Џихадистите од Исламската држава објавиле снимка на која е прикажано отсекувањето на главата на британскиот хуманитарен работник, 44-годишниот Дејвид Хејнс. Хејнс, кој има две деца во Перт во Шкотска, бил киднапиран минатата година за време на мисијата за француската агенција “ACTED” во Сирија, пренесува Reuters.

Снимката насловена како “Порака за сојузниците на Америка” започнува со говор на британскиот премиер Дејвид Камерон за соработката со ирачката влада и курдските борци, кои се борат против џихадистите.

“Овој Британец мора да ја плати цената поради твоите ветувања Камерон, за вооружување на курдските борци против Исламската држава”, рекол маскираниот маж облечен во црно. Хејнс, облечен во портокалово, е клекнат на колена.

Потоа се гледа отсекувањето на главата на Хејнс, а снимката завршува со прикажување на уште еден заложник, додека џелатот се заканува дека и тој ќе биде убиен доколку Камерон продолжи да ја подржува борбата против Исламската држава.

https://www.youtube.com/watch?v=7OzAB_k9-ps&bpctr=1410789730