За некои тоа е само одлична забава која ги возбудува, но сте се запрашале ли што претставува сексот за вашиот организам? Активниот секс придонесува за подолг и поисполнет живот. Погледнете зошто и вие треба да практикувате активен сексуален живот:
- Сексот го подобрува имунолошкиот систем. Медицината тврди дека сексуалното задоволство влијае врз благосостојбата на човечкиот организам. Луѓето задоволни од сексуалниот живот помалку се изложени на стрес и депресија. Кај нив тоа придонесува за подобро физичко, емоционално и ментално здравје. Сексуалните задоволства се начин како да ги намалите главоболката и непријатностите поради артритис и кај двата пола.
- При секс се согоруваат повеќе калории. Во секс од 30 минути телото согорува околу 90 калории, што можеби ви изгледа малку, но, ако гледаме на годишно ниво тоа се 5 килограми помалку. Или според магазинот Форбс, ако имате секс два пати неделно во текот на целата година, тоа е еднакво со количината калории што ги има во седум големи порции шпагети.
- Сексот ја намалува болката. Слободно можеме да кажеме дека оргазмот е како наркотик. Окситоцинот, кој се лачи во организмот при оргазам во комбинација со уште неколку други ендорфини ја намалуваат болката. Според ревматологот Картер В. Мултц, сексот може да ги намали болката, воспалението и отокот предизвикани од артритис, менструални грчеви и главоболки.
- Сексот го успорува стареењето. Како што одминуваат годините нивото на тестостерон во крвта опаѓа. Одличен начин да ги подобрите резервите на тестостерон е преку активен секс. Тоа ќе ви помогне да ги обновите коските, мускулите и да добиете сјај на кожата на лицето. Според студијата на д-р Дејвид, жените кои изразиле желба за секс најмалку четири пати во неделата, изгледаат 10 години помлади.
- Сексот е одличен лек за депресијата. Оргазмот помага за смирување на луѓето и предизвикува потреба од спиење. Според истражувањата кои се спроведени до сега се верува дека сексот му помага на мозокот да произведува серотонин кој го поттикнува создавањето на нови неврони.