Близок пријател на Шумахер ја открива вистината за здравствената состојба на шампионот

Блискиот пријател на легендарниот возач на Формула 1, Рос Браун, го посетил Шумахер и тврди дека за него сеуште постои надеж за опоравување.

Шумахер помина 159 денови во кома, па од клиниката за рехабилитација во Лаусениеи, бил пренесен дома, каде за него се грижи неговата сопруга Корина. Досегашните трошоци за лечењето достигнаа износ од околу 12 милиони евра.

„Се молиме за него. Опоравувањето е бавно, но надеж сеуште има“, кажа Браун, кој е постојано до големиот шампион.

Рос Браун бил на чело на тимот на Ферари во Формула 1 во времето на најголемите успеси на Германецот во овој автомобилски спорт.

За потсетување Шумахер се повреди на скијање на крајот од 2013 година. Доживеа крварење на мозокот, па падна во кома. Процесот на опоравување сеуште трае.