Брза торта со бисквити и јогурт

Оваа торта е готова за 20 минути, доколку сакате брзо и едноставно да се почастите со нешто слатко, ова е вашиот избор.

А, за тоа потребни ви се:

• 700g бисквити
• 1l јогурт
• 1 кесичка ванилин шеќер
• 100g црно чоколадо
• 200g шеќер во прав
• 350g вишни или друго слатко
• 1 шлаг пена

Бисквитите ги кршите на крупни парчиња, го додавате ванилиниот шеќер и шеќерот во прав и промешувате. Потоа го додавате јогуртот и мешате се додека не се соедини смесата.

Смесата ја ставете го во калап и израмнувате. Врз смесата ги ставате вишните или некое друго овошје или слатко по желба, па премачкувате со шлаг.

На крај рендате чоколадо по желба.

Готовата торта ја ставате во фрижидер половина час да се стврдне, и десертот е готов за послужување.