На вака ладно време на сите би ни годела една топла чаша млеко, чај или какао, придружена со ровки чоколадни колачиња кои се топат во уста. Токму такви се овие чиј рецепт ви го прикажуваме денеска.
Состојки:
– 200 гр чоколадо
– 400 гр брашно
– 1 прашок за пециво
– 200 гр путер
– 140 гр шеќер
– 1 лажичка екстракт од ванила
– 2 јајца
Подготовка:
Во сад, одделно се мешаат сувите состојки, а во друг сад течните. Исецкајте го чоколадото на мали парчиња. Соединете ги сите заедно и на крајот додадете го и чоколадото. Формирајте бомбици со рацете, згмечете ги, и ставете ги на хартија за печење во тава. Се печат на 200 степени околу 15 минути. Оставете да се изладат целосно, а потоа послужете.