Дали сеуште има чувства кон бившата?

Се сомневате ли дека тој можеби сеуште има чувста кон бившата? Или сте од оние девојки кои имаат 100% доверба во саканиот човек и не се тормозат со оваа проблематика? Кон која и категорија да припѓате драги дами, да знаете дека ни една од вас не е осигурана од ситуацијата: „Извини, но јас изгледа сеуште ја сакам неа!“ И затоа колку и слепо да му верувате, за секој случај погледнете ги овие симптоматични знаци кои покажуваат дека тој сеуште не ја заборавил бившата сосема.

–          Нивните заеднички фотографии на Фејзбук си стојат.

–          Зборува премногу критично за неа. Да, не брзајте да се радувате. Каде што има болка, има и чувства!

–          Не може да отиде на место што го потсетува на неа.

–          Зборува лошо за нејзиниот нов дечко.

–          Неговите пријатели дури не знаат дека вие постоите. Особено оние кои се заеднички пријатели со бившата.

–          Тој прави апсолутно се што таа не сакала да прави. Можеби сте му дале надеж за поквалитетна љубов. А можеби само се залажува дека му е подобро без неа…

–          Често наоѓа повод и причина за да и се јави. Или уште полошо – дознавате дека и се јавува тајно без вие да знаете.

–          Во неговиот телефонски именик таа е сеуште запишана како „злато“, „маче“ и слично.

–          Ја блокирал насекаде, Скајп, Фејзбук, меил…Тоа е знак дека не може да се контролира и затоа поставува високи ѕидови помеѓу нив.

–          Се уште ги чува нејзините работи. Но не спаковани и спремни за враќање, туку оставени точно таму, каде што таа ги оставила.