Со цел да провери, новинарката од Дејли Мејл, Маила Клари Цисоти неколку месеци користела најефтин крем за 1 евро на едната страна од лицето, а на другата Крем де ла Мер кој чини околу 200 евра.
Ефтиниот крем содржи вообичаени компоненти како глицерин, додека Крем де ла Мер има многу комплицирана формула. Неговата тајна формула е мешавина направена од ферментирани алги, витамини и минерали кои се третирани со звучни бранови. Според зборовите на компанијата, има ефект на трансформација на кожата која за кратко време станува цврста, хидратирана, ревитализирана, а брчките и порите се намалуваат.
Пред да почне со експериментот, Клари ја тестирала својата кожа со помош на уредот Виста, развиен од НАСА за да го следи влијанието на зрачењето и нулта гравитација на кожата на космонаутите.
Тестот покажал дека на прагот на 47 години брчки има помалку од просекот, но кожата и е дехидрирана и забележано е црвенило.
Неколку месеци Клари ја практикувала истата рутина. На десната страна нанесувала Крем де ла Мер, а на левата од ефтиниот крем.
На крај од експериментот, според дерматолошкото скенирање, ефтиниот крем дал подобри резултати. Левата страна на лицето, каде нанесувала ефтин крем, била подобро хидратирана, црвенилото се намалило, а некои ситни брчки околу очите исчезнале. Кожата на левата страна се подмладила за 5 години.
извор: Дејли Мејл
