Инстаграм го избриша нејзиниот профил кога ги ставила овие фотографии
Вчера на социјалната мрежа Инстаграм изби нова афера: Инстаграм го избришал профилот на жената која објавила фотографии на кои и се гледаат нејзините стрии.
Пред да и го укинат профилот, 20-годишната Хана објавила фотографии на кои се гледа во каква состојба е нејзиното тело откако родила близначки.
Нејзината намера била да ја зајакне самодовербата на жените по породувањето, бидејќи никој не треба да им суди на луѓето врз основа на нивниот изглед.
– Бев шокирана кога сфатив дека мојот профил на Инстаграм е избришан, како што е наведено поради кршењето на правилата за голотија и насилство, изјавила Хана и додала дека под објавените фотографии напишала колку и е тешко да пронајде адекватна облека по породувањето.
По реакциите на граѓанските иницијативи и здруженија за заштита на корисниците на социјалните мрежи, Инстаграм повторно го активирал профилот на Хана со објаснување дека е избришан поради „техничка грешка“.