Комедија и пародија: Погледнете ги плакатите од живописните локални избори во Бугарија
Кандидатите претендирале да бидат таканаречени кметови, односно селски старешини, а плакатите на овие живописни бугарски политичари делуваат како да ги правел некој креативен сценарист од “Монти Пајтон”.
Елена Добромиров Трифонова со сериозниот поглед на плакатот и “модерната” фризура од 80-тите години, им порачува на своите гласачи да го заокружат бројот 12.
Антоанета Лазарова, постара госпоѓа со авангарден “madame butterfly” стил, сака да биде кмет на Гаганица, а ја претставува партијата БСП.
Стојан Тончев, спасувач од корупцискиот хаос, кој го тероризира бугарско Поморје, е одлучен во намерата на витешки начин – со меч, да се пресмета со чудовиштата на корупцијата. Слоганот му е многу иновативен: “Не може да не може!”.
Традицијата е нешто што не може да се заобиколи, а дел од неа секако се добрите стари волнени чорапи на баба. Токму на етикетата од едни такви чорапи решила да се промовира Марија Балкчијева, која сака да биде кмет на Сливен.
“Ова е време на пеколни возачи”, можеби би бил адекватен слоган на еден модерен мотоциклист, но воедно и за кандидатот за кмет на Асеновград, Димитар Кисов. “Harley Davidson” фотографиите даваат посебна уметничка вредност, мора да признаеме.
“Доколку сакаш да бидеш шмекер, тогаш за рака мора да држиш мисица”, веројатно е мислата според која се водел Бојан Георгиев. Раскопаната улица и таблата со натпис исто така се тука. Притоа, каква би била таа мисица без лента и круна?
Бугарски нинџа, втор дел. Така може да се опише плакатот на Борис Евтимов, кој во Брло Слатино сака да воведе катана! Всушност, тоа го нагласува и неговиот слоган: “Има да биде ред!”.
Петко Викторов сфатил дека пушката е посилна од мечот, па очигледно сакал да му се спротивстави на Евтимов опремувајќи се во стил на командос, со црна беретка во стилот на Че Гевара.
А имаме и турбо фолк ѕвезда, која симпатично се смешка на полу-стуткан плакат. Кожни хеланки, живописна гарнитура и Јорданка Сандова.
Кандидатот Чавдар Валев – бизнисмен. Покерашкиот поглед вешто го крие зад очилата и порачува дека гласачите треба да заокружат “седмица”.
Дуо фантастико – Валентин Черпоков и Стојан Чорбаџински. Спој на две варијанти, еден во кожна јакна, а друг во сериозно одело со несериозна кравата.
Данчо – обединител револуционер. Името зборува само за себе, што и да се додаде ќе биде премногу.
Бугарските вујко Фестер со шешир во стилот на Мајкл Џексон, со својот стил се спротивставува на слоганот, кој инаку гласи: Ќе надвладее разумот.
Дами и господа…Митко Димитров.
Радослав Петров вели дека доколку биде поставен за кмет на Видин, ќе шири либерално-демократски идеи.
Шефот на салата, Николај Милев. Зад него стои Реформаторскиот блок, а тој од сомнителен локал порачува дека ќе прави конкретни промени.
Мирослав Христов Кирилов делува како некој кој ужива во добра чашка. Или пак, нè лажат очите.
Кој ви изгледа најпретставителен? 🙂