Најопасните зборови кои може да ги слушнете од една жена

Сигурно знаете дека доста често жените велат едно, но всушност го мислат спротивното или сосема друго. Што да се прави – таква ни е природата. Но, во целата оваа каша од кажано, помислено и премолчено, се издвојуваат 3 многу опасни реченици. Ако слушнете девојка да ви каже барем една од овие реченици, бидете многу, многу внимателен во своите активности.

“Како ќе си одлучиш!” или “Прави што сакаш!”

На пример и соопштувате дека сакате да излезето со другарите, иако сте имале план да гледате филм или да отидете некаде заедно на вечера. Доколку ви каже: “Одлучи си сам!”, тоа не значи дека ќе го прифати секое ваше решение по однос на ова прашање. Напротив! Ако излезете со пријателите, лошо ви се пишува. Ќе си „плаќате“ за таа одлука минимум неколку денови.

“Ништо!”
Ова е најопасниот збор во една врска. Кога една жена ќе каже:”Ништо!” -тоа значи само едно – има проблем и вие ќе треба да направите се што е можно за да дознаете кој е. Не ја чекајте таа сама да си каже! Ќе стане уште полошо.

“Убаво!” или “Добро!”

Ако разговорот заврши со еден од овие зборови, без дополнително оправдување, значи воопшто „не е на арно“ работата. Со вакво обраќање, жената има во предвид само едно: “Јас сум во право и ќе продолжам со разговорот само кога ќе го признаеш тоа.” И подобро да си признаете! Иначе ќе си патите!