Што му порачал Путин на Обама за Нова година?

Рускиот претседател Владимир Путин во новогодишната честитка до американскиот претседател Барак Обама, порачал дека Москва и Вашингтон ја делат одговорноста за мир во светот, но и дека нивните билатерални односи треба да бидат рамноправни.

Кремљ денес објавил неколку новогодишни пораки пратени до шефови на држави и меѓународни организации како што се Олимпискиот комитет и ФИФА.

Укажувајќи на 70-годишнината од сојузничката победа во Втората светска војна, Путин истакнал дека таа треба да послужи како потсетник на “одговорноста која Русија и САД ја имаат за одржување на мирот и меѓународната стабилност”.

Москва се согласува за унапредување на односите, но доколку постои “рамноправност и взаемно почитување”. Според AP, на списокот државници кои добиле порака од Кремљ, не се нашол украинскиот претседател Петро Порошенко.