Што се случува кога ќе падне дожд во најсувата пустина?

Пустината Атакама на северот на Чиле е позната како еден од најсушните предели на планетата Земја – преку ноќ се претвори во огромно поле на прекрасни цветови.

Се очекува оваа „атракција“ да привлече десетици илјади туристи до крајот на годината. До оваа магична трансформација дојде после обилните дождови кои паднаа во март и август оваа година, предизвикувајќи големи поплави и свлечишта во Чиле.

Чилеанците, како и многуте туристи можеа да уживаат во овој природен феномен секоја година на пролет. Меѓутоа, ова е прв пат во историјата во Атакама по втор пат во иста година да расцвета пустината.

Директорот на националната туристичка агенција Атакама, Даниел Диас изјави дека „интензитетот на боите оваа година е неверојатен“ и се очекува овој феномен кој ќе трае до крајот на ноември да привлече над 20 илјади туристи.