Слепа мајка за прв пат го гледа своето бебе

Кејти Бејц од Канада е родена како слепа, но благодарение на напредокот на технологијата, таа може да го види својот новороден син. Станува збор за очилата eSight кои им помагаат на луѓето со оштетен вид.

Со нивна помош 29-годишната Кејти имаше прилика да го види своето новородено дете. Всушност, таа виде бебе за прв пат во животот. Нејзината радост е прикажана во видео кое стана вирален хит на интернет.

„Веднаш штом се породи посака да го види своето бебе“, изјави нејзината сестра Ивон Феликс, која го објави видеото на YouTube.