Дороти Ванг е 26-годишна наследничка на ланец трговски центри и е тешка цели 4 милијарди. Токму затоа е главна ѕвезда помеѓу богатите деца од Беверли Хилс.
Нејзиното секојдневие изгледа вака – возење со луксузни приватни авиони, бесконечно купување на скапа дизајнерска облека и уживање во раскошот на богатството на нејзиниот татко Роџер Ванг.
Единствена желба и е кога ќе порасне да продолжи да се занимава со семејниот бизнис за да може да си го продолжи луксузот кој го има.
Дороти е активна на социјалните мрежи преку фотографии со вртоглаво скапи Ролекси, Лобутинки, лимузини…
Но, како што самата вели, сака да се потруди и да стекне сопствено богатство, па затоа решила да учествува во реалното шоу „Богатите деца од Беверли Хилс“ без нејзиниот татко да знае, за да не се обиде да го финансира целиот проект.
„Беше важно да тргнам по мој пат, различен од оној на мојот татко,“ вели наследничката на 4 милијарди долари.
Кога не е зафатена со одморање на Хаваите, шопинг во Париз и скијање во Аспен, таа вредно работи на својата линија накит која ја дизајнира сама.
