Бијонсе благодарение на совршениот перформанс и на фантастичниот аутфит успеа да го украде шоуто со својот настап. Таа заедно со Бруно Марс беа поканети да гостуваат на познатата британска група Coldplay во финалето на „Super Bowl“. Нејзиниот настап следуваше по настапот на Бруно Марс кога на сцената се појави во црното боди од „Dsquared2“ со златни детали и мрежести чорапи. Со целосниот војнички look, Бијонсе му одаде почит на легендарниот Мајкл Џексон и неговиот познат 13 минутен перформанс кој беше изведен на истата сцена во 1993 година на паузата на тогашното финале на „Super Bowl“.
