Дупката во Русија не престанува да се шири – моментална ширина 125 метри, ќе проголта се?!

Чудна дупка во североисточна Русија станува се` поголема, а дрон на телевизијата Раша тудеј успеал да долови нејзината вистинска големина и моќ.

Прво на мета на нејзиното ширење било местото Соликамск, а дупката тогаш била широка околу 30 метри. Од појавувањето во ноември 2014 година до денес, таа се проширила на вртоглави 125 метри во пречник.

Дупката не покажува знаци на успорување додека околното тло полека тоне и исчезнува во нејзината длабочина која изнесува околу 75 метри.

Се претпоставува дека дупката првично настанала како последица на поплави кои го зафатиле регионот на некогашниот рудник.

Во близина, пак се наоѓа активен рудник чиј челници го уверуваат населението, дека дупката не претставува опасност.