Џенифер Лопез буквално блескаше на сцената во Лас Вегас, покажувајќи дека годините не ѝ можат ништо.
Во рамките на своето шоу „All I Have“, 46-годишната пејачка го истакна своето тело во спектакуларни костими.
Зухаир Мурад, Донатела Версаче и Оливие Рустан од Balmain се само дел од дизајнерите кои ја облекоа Лопез за нејзините возбудливи и енергични настапи.
Сексапилниот костим од крупни блескави камења, со кои Лопез го започна настапот, е дело на Мурад.
Версаче и Сваровски се погрижија за поспортскиот изглед на Џеј Ло, создавајќи креација која вклучуваше речиси 260.000 кристали. Лопез беше облечена во неа за изведбата на „Jenny From The Block“, „If You Had My Love“ и „Love Don’t Cost A Thing“.
Balmain пак ѝ позајми на Џеј Ло колоритен краток фустан со реси, кој таа го носеше во комбинација со црни кожени чизми над колената.
По завршувањето на концертот, Лопез изјавила: „Работевме многу напорно за луѓето да си поминат убаво и на крајот на концертот, сите беа на нозе, танцуваа, скокаа и пееја.“
